Neiséiland

Aktualiséiert den

Neiséiland (Aotearoa a Māori) befënnt sech am Südpazifik a gëtt historesch als en Deel vun der polyneesescher Kultursphär ugesinn. D'Landmass setzt sech aus zwou Haaptinselen am Norden an am Süde vum Land souwéi aus Honnerte méi klengen Inselen zesummen. Wellington ass d'Haaptstad vun Neiséiland, an déi gréisste Stied sinn Auckland op der Nordinsel a Christchurch op der Südinsel. D'Klima ass am Allgemengen temperéiert an ass deem vu Westeuropa zimmlech änlech. Neiséiland zielt zu den entwéckeltsten Ekonomië vun der Welt an seng Bevëlkerung vu 5 Millioune wunnt gréisstendeels an de staark urbaniséierten Zonen op der Nordinsel. Traditionell ass d'Exportindustrie vum Land op den Agrarsecteur konzentréiert. Den haitegen Neiséilännesche Staat ass 1907 als konstitutionell Monarchie a parlamentaresch Demokratie gegrënnt ginn. Staatschef ass de Kinnek Charles III, dee vun engem Gouverneur général vertruede gëtt.

Fërderungsbedingungen a praktesch Modalitéiten

1. D'Kandidate sinn eligibel wa si déi follgend Konditiounen erfëllen:

  • Si mussen tëscht uechtzéng (18) an drësseg (30) Joer al sinn, wann d'Demande agereecht gëtt;
  • Si mussen ee gültege lëtzebuergesche Pass besëtzen, deen nach op mannst 15 Méint no der geplangter Arrivée an Neiséiland nach gülteg ass;
  • Si däerfen net vun enger ënnerhaltsflichteger Persoun (z.B. en ënnerhaltsflichteger Kand) begleet gin;
  • Si mussen iwwer déi néideg finanziell Mëttel disposéiere fir op der Plaz iwwer d'Ronnen ze kommen (min. NZ $4,200);
  • Si mussen déi néideg finanziell Mëttel hu fir sech en Aller-Retour Billjee ze kafen;
  • Si mussen d'Gesondheetskrittären erfëlle fir de Certificat médical ze kréien;
  •  Si mussen e Casier judiciare vierge hunn;
  • Si däerfen nach net um Programm Work & Travel fir Neiséiland deelgeholl hunn;

2. Zousätzlech generell Konditiounen an Obligatiounen, déi ze erfëlle sinn a Beleeg, déi musse virgeluecht ginn:

  • 1 ausgefëllten an ënnerschriwwene Formulaire de demande;
  • 2 Passfotoen;
  • E Pass, dee minimum 15 Méint ab dem Datum vun der Ausstellung vum Visa gülteg ass;
  • D'Aschreiwungsfraise vum Visa;
  • E beglaubegten an op Englesch iwwersaten Extrait vum Casier judiciaire deen an deene leschten 3 Méint ausgestallt gouf;
  • E beglaubegten an op Englesch iwwersate Certificat médical, deen an deene leschten 3 Méint ausgestallt gouf;
  • D'Reservatioun vum Aller-Retour Billjee oder de Beweis, datt een déi néideg Ressourcen huet fir een ze kafen;
  • E ënnerschriwwene Motivatiounsbréif op Englesch;
  • E Liewenslaf op Englesch;
  • E Beleeg, datt een déi neidesch finanziell Ressource vu minimum NZ $4.200 huet (Relevé bancaire oder en Nottärsakt, dee beweist datt een déi Zomm besëtzt);
  • E Beleeg, datt ee fir déi éischt 15 Deeg e Logement zur Verfügung huet (Reservatioun vun engem Hotel, wann et eng Privatpersoun ass, en Invitatiounsbréif mat enger Kopie vun der Identitéitskaart);
  • Eng Krankeversécherung, déi de ganzen Openthalt couvréiert, an enger Héicht vun 30.000€.

3. Wéi kann een seng Demande fir de Visa fir de Programm Work & Travel fir Neiséiland areechen:

Lëtzebuerger Staatsbierger mussen hier Demande am Kader vum Programm Work & Travel un déi follgend Adress areechen:

Ambassade de la Nouvelle-Zélande à Bruxelles

 9-31 Avenue des Nerviens

 B-1040 Bruxelles

 Belgium

 Tel: +32(2)5121040

 E-Mail: nzemb.brussels@mfat.govt.nz

 Websäit

4. Weider Informatiounen

  • D'Visae fir de Programm Work & Travel gi just u maximum 50 Lëtzebuerger Participante pro Joer ausgestallt;
  • D'Participante kréien e Visa fir e laangen Openthalt mat deem ee wärend 12 Méint onbegrenzt an- an ausreese kann. Et gi keng Verlängerungen oder Modifikatioune vu sou engem Visa doropshin akzeptéiert.
  • D'Participanten däerfen an Neiséiland op enger saisonaler Basis schaffen oder fir eng begrenzten Zäit vu bis zu 3 Méint (Typ CDD) fir een oder méi Employeure wärend der Period vum Visa fir e laangen Openthalt.
  • De Besëtzer vum Visa huet kee Recht op Chômage oder Sozialhëllef.