Direktioun fir konsular Ugeleeënheeten an international kulturell Bezéiungen

An Zesummenaarbecht mat den diplomateschen a konsularesche Vertriedungen, ass d'Direktioun fir konsular Ugeleeënheeten an international kulturell Bezéiungen (D6) fir déi konsularesch Ënnerstëtzung vu Lëtzebuerger Staatsbierger zoustänneg, déi sech am Ausland an enger Noutsituatioun (Krisesituatioun, Verloscht vun Identitéitsdokumenter, schwéieren Accident oder Krankheet, Inhaftéierung, asw.) befannen. Iwwer de Lëtzebuerger diplomatesche Reseau, ass d'Direktioun, an enker Zesummenaarbecht mam Kulturministère, och fir déi kulturell Promotioun vu Lëtzebuerg am Ausland zoustänneg.

Büro fir Päss, Visaen a Beglaubegungen

• Personaliséierung an Ausstelle vu Rees-, Déngscht- an Diplomatepäss souwéi Reesdokumenter fir Auslänner, Flüchtlingen a Staateloser
• Ausstelle vu Passéierschäiner
• Beaarbechtung vun Demandë fir Visae mat enger Gëltegkeetsdauer vu manner wéi 90 Deeg
• Ausstelle vun Apostillen a Beglaubegung vun Dokumenter, déi vu Lëtzebuerger Autoritéiten ausgestallt goufen, an auslänneschen Autoritéite virgeluecht ginn
• Vertriedung vum Ministère an europäeschen an internationale Foren, déi mat den uewe genannte Beräicher zesummenhänken

De Büro fir Päss, Visaen a Beglaubegungen ass net kompetent fir:

• Den Traitement vun Demandë fir e Visa mat enger Gëltegkeetsdauer vun iwwer 90 Deeg; dëst fält ënnert d'Kompetenz vun der Generaldirektioun fir Immigratioun vum Inneministère
• Den Traitement vun Demandë fir e Visa fir Openthalter ausserhalb vun der europäescher Unioun