Südkorea

Aktualiséiert den

Südkorea, offiziell Republik Korea, läit am südlechen Deel vun der koreanescher Hallefinsel, enger strategesch wichteger Regioun tëscht China am Westen a Japan am Osten. Am Norde grenzt d'Land un Nordkorea. Seng Geographie, déi vu Bierger, flaache Regiounen an enger laanger Küstelinn gepräägt ass, huet aus dem Land eng natierlech Festung esou wéi och wichtegen Handelswee an Ostasie gemaach. Südkorea huet e geméissegt Klima, mat méi mëlle Wanteren an de Küsteregioune wéi an d'Banneregiounen. Seoul ass d'Haaptstad vu Südkorea an och déi gréisste Stad vum Land. D'Bevëlkerung läit bei ronn 52 Millioune Leit, vun deenen ongeféier d'Hallschent am urbane Raum ronderëm Seoul wunnt. Aner grouss urban Zenteren si Busan, Incheon an Daegu. D'Wirtschaft gehéiert zu de beschten entwéckelten op der Welt, besonnesch an de Beräicher Héichtechnologie, Informatik an Automobilindustrie. Südkorea ass eng demokratesch Republik mat engem presidentielle System. De President ass souwuel Staatschef wéi och Regierungschef a iwwerwaacht d'Exekutiv. D'Amtssprooch ass Koreanesch.

Fërderungsbedingungen a praktesch Modalitéiten

1. D'Kandidate sinn eligibel wa si déi follgend Konditiounen erfëllen:

  • Si mussen tëschent uechtzéng (18) an fënnefandrësseg (35) Joer al sinn, wann d'Demande agereecht gëtt;
  • Si mussen e gültege lëtzebuergesche Pass besetzen;
  • Si däerfen net vun enger ënnerhaltsflichteger Persoun (z.B. en ënnerhaltsflichteger Kand) begleet ginn.
  • Si mussen iwwer déi néideg finanziell Mëttel disposéiere fir op der Plaz iwwer d'Ronnen ze kommen (min. €2 500);
  • Si mussen d'Gesondheetskrittären erfëlle fir de Certificat médical ze kréien;
  • Si mussen e Casier judiciare vierge hunn;
  • Si däerfen nach net um Programm Work & Travel fir Kanada deelgeholl hunn;
  • Si mussen d'Aschreiwungsfraise vum Visa vu 50€ bezuelen;
  • Si mussen zu Lëtzebuerg ugemellt si wann d'Demande eragereecht gëtt.

2. Zousätzlech generell Konditiounen an Obligatiounen, déi ze erfëlle sinn a Beleeg, déi musse virgeluecht ginn:

  • 1 ausgefëllten an ënnerschriwwene Formulaire de demande;
  • 2 Passfotoen;
  • E Pass, dee minimum 15 Méint ab deen Datum vun der Ausstellung vum Visa nach gülteg ass;
  • D'Aschreiwungsfraise vum Visa;
  • E beglaubegten an op Englesch iwwersaten Extrait aus dem Casier judiciaire, deen an deene leschten 3Méint ausgestallt gouf;
  • E beglaubegte Certificat médical, deen an deene leschten 3 Méint ausgestallt gouf;
  • D'Reservatioun vum Aller-Retour Billjee oder de Beweis, datt een déi néideg finanziell Ressourcen huet fir een ze kafen;
  • E ënnerschriwwene Motivatiounsbréif Englesch;
  • E Liewenslaf op Englesch;
  • E Beleeg vum Besëtz vun den neidesche Ressourcen;
  • E Beleeg, datt ee fir déi éischt 15 Deeg e Logement zur Verfügung huet (Reservatioun vun engem Hotel, wann et eng Privatpersoun ass, en Invitatiounsbréif mat enger Kopie vun der Identitéitskaart);
  • Eng Krankeversécherung, déi de ganzen Openthalt couvréiert.

3. Wéi kann een seng Demande fir de Visa fir de Programm Work & Travel fir Südkorea areechen:

Lëtzebuerger Staatsbierger mussen hir Demande am Kader vum Programm Work & Travel un déi follgend Adress areechen:

Ambassade de la Corée du Sud à Bruxelles

Terhulpsesteenweg 173-175

1170 WATERMAAL-BOSVOORDE – Bruxelles

Tél: (+32) 2 6755777

Courriel: eukorea@mofa.go.kr

Internetsäit

4. Weider Informatiounen

  • D'Visae fir de Programme Work & Travel gi just u maximum 100 Lëtzebuerger Participante pro Joer ausgestallt.
  • D'Participante kréien e Visa fir e laangen Openthalt mat deem ee wärend 12 Méint onbegrenzt An-a Ausreese kann. Et gi keng Verlängerungen oder Modifikatioune vun sou engem Visa doropshin akzeptéiert.
  • D'Participante mussen hier Arrivée beim Büro vum Immigratiounsservice, deen d'Jurisdiktioun iwwer hire Wunnuert huet, bannen 90 Deeg no hirer Arrivée a Südkorea enregistréieren.
  • De Besëtzer vum Visa huet kee Recht op Chômage oder Sozialhëllef.
  • D'Participanten däerfe fir eng begrenzten Zäit fir een oder méi Employeure wärend der ganzer Period schaffen, esou laang wéi hir Aarbecht keng speziell Autorisatioun vum südkoreaneschen Immigratiounsservice brauch.