Aktualiséiert den
Taiwan
Taiwan besteet aus enger Haaptinsel, déi am ostchineesesche Mier läit, a méi klengen Nieweninselen an der Miereseng vun Taiwan. Déi offiziell Haaptstad ass Taipeh, wat och déi gréisste Staat vum Land ass. Aner grouss urban Zentre sinn Taichung, Tainan et Kaohsiung. Mat 23 Milliounen Awunner ass Taiwan eng vun den dichtbevölkerste Regioune vun der Welt. D'Majoritéit vun der Populatioun wunnt laanscht d'westlech Küst, wärend am banneschten Deel vun der Insel gréisstendeels Bierger a Bëscher ze fanne sinn. D'Ekonomie vun Taiwan ass an de leschte Jore stark gewuess an huet e grousse Bäitrag zu der weltwäiter Entwécklung vum TIC Secteur bäigedroen. D'Klima ass subtropesch, mat méi kalen Temperaturen an de Bierger am Zentrum vun der Insel. Am Kader vun der One-China-Politik ënnerhält Lëtzebuerg kommerziell, ekonomesch a kulturell Relatioune mat Taiwan. Déi offiziell Sprooch vun Taiwan ass Mandarin Chineesesch.
Fërderungsbedingungen a praktesch Modalitéiten
1. D'Kandidate sinn eligibel wa si déi follgend Konditiounen erfëllen:
- Si mussen tëschent uechtzéng (18) a fënnefandrësseg (35) Joer al sinn, wann d'Demande agereecht gëtt;
- Si mussen e gültege lëtzebuergesche Pass besëtzen;
- Si däerfen net vun enger ënnerhaltsflichteger Persoun (z.B. en ënnerhaltsflichtegt Kand) begleet ginn.
- Si mussen iwwer déi néideg finanziell Mëttel disposéiere fir op der Plaz iwwer d'Ronnen ze kommen (min. 2.500€);
- Si mussen déi néideg Mëttel hu fir sech en Aller-Retour Billjee ze kafen;
- Si mussen d'Gesondheetskrittären erfëlle fir de Certificat médical ze kréien ;
- Si mussen e Casier judiciare vierge hunn ;
- Si däerfen nach net um Programm Work & Travel fir Taiwan deelgeholl hunn;
- Si mussen zu Lëtzebuerg ugemellt si wann d'Demande eragereecht gëtt.
2. Zousätzlech generell Konditiounen an Obligatiounen, déi ze erfëlle sinn a Beleeg, déi musse virgeluecht ginn:
- 1 ausgefëllten an ënnerschriwwene Formulaire de demande;
- 2 Passfotoen;
- E Pass, dee minimum 15 Méint ab dem Datum vun der Ausstellung vum Visa gülteg ass, op deem d'Identitéitsnummer vum Titulaire steet +1 Fotokopie;
- D'Aschreiwungsfraise vum Visa;
- E beglaubegten an op Englesch iwwersaten Extrait aus dem Casier judiciaire, deen an deene leschten 3 Méint ausgestallt gouf;
- E beglaubegte Certificat médical, deen déi lescht 3 Méint ausgestallt gouf;
- D'Reservatioun vum Aller-Retour Billjee oder de Beweis, datt een déi néideg Ressourcen huet fir een ze kafen;
- En ënnerschriwwene Motivatiounsbréif op Englesch;
- E Liewenslaf op Englesch;
- E Beleeg dass een minimum 2.500€ besetzt (Relevé bancaire oder e Nottärsakt dee beweist, datt een iwwer dës Zomm disposéiert);
- E Beleeg, datt ee fir déi éischt 15 Deeg e Logement zur Verfügung huet (Reservatioun vun engem Hotel, wann et eng Privatpersoun ass, en Invitatiounsbréif mat enger Kopie vun der Identitéitskaart);
- Eng Krankeversécherung, déi de ganzen Openthalt couvréiert, an enger Héicht vun 30.000€.
3. Wéi kann een seng Demande fir de Visa fir de Programm Work & Travel fir Taiwan areechen:
Lëtzebuerger Staatsbierger mussen hier Demande am Kader vum Programm Work & Travel un déi follgend Adress schécken:
Bureau de représentation de Taipei auprès de l'Union européenne et la Belgique
27, Square de Meeûs
1000 Bruxelles, Belgique
Tél: +32 (0)2-287-2800
Email: bel@mofa.gov.tw
4. Weider Informatiounen
- D'Visae fir de Programm Work & Travel gi just u maximum 40 Lëtzebuerger Participante pro Joer ausgestallt;
- D'Participante kréien e Visa fir e laangen Openthalt, mat deem ee wärend 12 Méint onbegrenzt An-a Ausreese kann. Et gi keng Verlängerungen oder Modifikatioune vun sou engem Visa doropshin akzeptéiert.
- D'Participanten däerfe fir eng begrenzten Zäit fir een oder méi Employeure wärend der Period vum Visa fir e laangen Openthalt schaffen.
- De Besëtzer vum Visa huet kee Recht op Chômage oder Sozialhëllef.