Chile

Aktualiséiert den

Chile ass ee Land, dat un der westlecher Küst vu Südamerika läit a Grenze mat Argentinien, Bolivien a Peru huet. D'Land erstreckt sech laanscht d'pazifesch Küst an huet méi wéi 19 Milliounen Awunner (2023). Opgrond vu senger beträchtlecher Längt weist d'Land ee villfältegt Klimaspektrum op, vun engem wüüstenaartege Küsteklima am tropeschen Norde bis zu engem kale subantarktesche Klima am südlechsten Deel. Déi chileenesch Anden erstrecke sech bal iwwert déi ganz Längt vum Land. Se bilden de gréissten Deel vun der Grenz tëscht Chile an Argentinien, an ëmfaassen den héchsten Deel vun der Biergketten.

Chile ass eng Republik, déi op enger parlamentarescher Demokratie berout, wou de President Staats- an och Regierungschef ass. D'Haaptstad ass Santiago de Chile an d'Amtssprooch ass Spuenesch. Chile gëllt als een vun de stabilsten a räichste Länner vu Südamerika.

 

Fërderungsbedingungen a praktesch Modalitéiten

1. D'Kandidate sinn eligibel wa si déi follgend Konditiounen erfëllen:

  • Si mussen tëscht uechtzéng (18) a fënnefandrësseg (35) Joer al sinn, wann d'Demande agereecht gëtt;
  • Si mussen déi lëtzebuergesch Nationalitéit hunn an zu Lëtzebuerg wunnen;
  • Si mussen e gültege lëtzebuergesche Pass besetzen;
  • Si däerfen net vun enger ënnerhaltsflichteger Persoun (z.B. en ënnerhaltsflichtegt Kand) begleet ginn;
  • Si mussen iwwer déi néideg finanziell Mëttel disposéiere fir op der Plaz iwwer d'Ronnen ze kommen (min. 2.500€);
  • Si mussen déi néideg Mëttel hu fir sech en Aller-Retour Billjee ze kafen;
  • Si mussen d'Gesondheetskrittären erfëlle fir de Certificat médical ze kréien;
  • Si mussen e Casier judiciare vierge hunn;
  • Si däerfen nach net um Programm Work & Travel fir Chile deelholl hunn;
  • Si mussen zum Zäitpunkt vun der Demande zu Lëtzebuerg ugemellt sinn.

2. Zousätzlech generell Konditiounen an Obligatiounen, déi ze erfëlle sinn a Beleeg, déi musse virgeluecht ginn: 

  • 1 ausgefëllten an ënnerschriwwene Formulaire de demande;
  • 2 Passfotoen;
  • E Pass, dee minimum 15 Méint ab dem Datum vun der Ausstellung vum Visa gülteg ass;
  • D'Aschreiwungsfraise vum Visa;
  • E beglaubegten an op Englesch iwwersaten Extrait aus dem Casier judiciaire, deen an deene leschten 3 Méint ausgestallt gouf;
  • E beglaubegte Certificat médical, deen an deene leschten 3 Méint ausgestallt gouf;
  • D'Reservatioun vum Aller-Retour Billjee oder de Beweis, datt een déi néideg Ressourcen huet fir een ze kafen;
  • En ënnerschriwwene Motivatiounsbréif op Englesch;
  • E Liewenslaf op Englesch;
  • E Beleeg dass ee minimum 2.500€ besëtzt (Relevé bancaire oder e Nottärsakt dee beweist, datt een iwwer dës Zomm disposéiert);
  • E Beleeg, datt ee fir déi éischt 15 Deeg e Logement zur Verfügung huet (Reservatioun vun engem Hotel, wann et eng Privatpersoun ass, en Invitatiounsbréif mat enger Kopie vun der Identitéitskaart);
  • Eng Krankeversécherung, déi de ganzen Openthalt couvréiert, an enger Héicht vun 30.000€.

3. Wéi kann een seng Demande fir de Visa fir de Programm Work & Travel fir Chile areechen:

Lëtzebuerger Staatsbierger mussen hir Demande am Kader vum Programm Work & Travel un déi follgend Adress areechen:

Ambassade du Chili à Bruxelles

 106 Rue des Aduatiques

 1040 Etterbeek, Belgique

 Tel:+32(02)7433660

 E-Mail: echilebelgica@minrel.gob.cl

Internetsäit

4. Weider Informatiounen

  • D'Visae fir de Programm Work & Travel gi just u maximum 100 Lëtzebuerger Participante pro Joer ausgestallt;
  • D'Participante kréien e Visa fir e laangen Openthalt mat deem ee wärend 12 Méint onbegrenzt an-an ausreese kann. Et gi keng Verlängerungen oder Modifikatioune vun sou engem Visa akzeptéiert.
  • D'Participanten däerfe fir eng begrenzten Zäit fir een oder méi Employeure wärend der Period vum Visa fir e laangen Openthalt schaffen.
  • De Besëtzer vum Visa huet kee Recht op Chômage oder Sozialhëllef.